Во Младинскиот културен центар (МКЦ) во Скопје вечерва од 19:00 часот се одржува 7. издание на алтернативниот рок фестивал „Андерфест“. Публиката ќе има можност да ги гледа и слуша бендовите Lost in Reverie, Аудиоцигла, Димиш, Занаду, Деменси, Големата вода и Новиот почеток.
Организаторите најавуваат динамична атмосфера и сценски настапи кои носат свеж звук и различни емоции. „Андерфест“ не е само фестивал – тоа е традиција, движење и заедница што ја поттикнува домашната рок култура и независната музичка сцена.
