Откако Еминем неодамна откри дека единствената пречка за проектот е нивното „сопствено време и организација“, 50 Сент се огласи на Инстаграм за да објави дека ќе се врати од пензија како рапер за да сними албум. Тој вчера ја сподели веста која многумина ја чекаа. „По се изгледа ќе се вратам во студио!“ напиша тој. „Прво треба само да ги завршам концертите во Вегас!“.
Пред рап ветераните да влезат во студиото, 50 Сент ќе влезе во историјата со својот прв голем концертен серијал во Лас Вегас насловен „50 Cent: In Da Club“. Настанот започнува вечерва, а завршува на 4 јануари.
Дури минатата година, 50 Сент откри дека работи на нова музика и рече дека Еминем веќе го контактирал. Тој наводно му рекол дека Др. Дре, кој исто така треба да биде дел од проектот, подготвува нешто посебно.
„Штом го кажав тоа, добив порака од Еминем дека тој веќе разговарал со Дре и дека Дре прави нешто таму, и има некои луди работи што треба да ги слушнам“, се сеќава 50 во интервју за Биг Бој.
Тој исто така објасни како вклученоста на Дре го носи проектот на следното ниво: „Ќе направам нешто и ќе ја барам најдобрата музика што можам да ја дофатам. И кога ќе најдам нешто што навистина ми се допаѓа , го носам на Дре за да го натерам да ми понуди нешто затоа што тој секогаш има нешто… Секогаш имал нешто.“
Објавата на 50 Сент набрзо собра над 150.000 лајкови, а фановите беа воодушевени во коментарите. „Трпеливо чекавме“, „ова може да го спаси хип хопот“, „сè што 50 Сент и Еминем ќе допрат претвораат во злато“, се само дел од коментарите.
