Пресврт немаше да постои без вас кои низ овие 5 години бевте дел од проектите, едукативните работилници или едноставно ја поддржувавте работата на организацијата со вашето присуство во публика и/или бодрење да се успее во она што сме го наумиле. Да се прави независен театар кај нас е тешко, ама не е невозможно, и важно е да ги славиме дури и малите успеси, а овој роденден за нас е огромно достигнување.
За сите кои ќе дојдат на проекцијата следува и изненадување. Решивме ние да ви дадеме поклон заедно со пријателите од Смидџин, велат во својата објава организаторите на овој настан.
