Сите сонуваме за густа, здрава и сјајна коса, но без разлика на сите маски и третмани, она што го ставаме во нашето тело игра клучна улога. Доколку сакате да го поттикнете растот на косата одвнатре, овие намирници се вашиот нов сојузник.
Растот на косата започнува одвнатре. Не треба да се потпирате на скапи суплементи, само внесете неколку намирници кои можеби веќе ги имате во вашата кујна, бидете трпеливи и уживајте во долгата и негувана коса.
Семки од тиква
Овие мали зелени семки се богати со цинк, омега-3 масни киселини, магнезиум и антиоксиданси, комбинација која го поддржува здравјето на скалпот и ги стимулира фоликулите на косата. Цинкот помага во регулирање на себум, природно масло кое ја хидрира косата и го спречува кршењето.
Како да ги користите: додадете ги во салати, смути, овесни снегулки или ужина.
Лисја од амарант
Оваа заборавена суперхрана е богата со железо, калциум, витамини А и Ц. Железото ја подобрува циркулацијата во скалпот, додека витаминот Ц помага во апсорпцијата на железото, а витаминот А го стимулира производството на себум.
Како да ги користите: Подгответе ги како прилог, во супи или додадете ги во смути.
Црн сусам
Во ајурведата и традиционалната кинеска медицина, црниот сусам се користи за да се спречи предвремено побелување и проретчување на косата. Тие се богати со витамин Б1, железо, калциум, магнезиум и антиоксиданси.
Како да го користите: Посипете го на салати, додадете го во печива или користете го во смути.
Сок од калинка
Овој освежителен пијалок е богат со антиоксиданси кои ја подобруваат циркулацијата во скалпот, ги негуваат фоликулите и го поттикнуваат растот на косата.
Како да го користите: Пијте сок од калинка директно или додајте го во смути и пијалоци.
Семки од сончоглед
Овие семки се богати со витамин Е, кој ја подобрува циркулацијата во скалпот и го поттикнува растот на косата. Тие исто така содржат цинк и селен, минерали кои се клучни за здравјето на косата.
Како да ги користите: додадете ги во салати, овесна каша или ужина.
