Петте функции кои речиси сите ги имаат вклучено а го „јадат“ интернетот.
Мобилните податоци исчезнуваат, а не знаете зошто? Причините може да бидат „во позадина“
Мобилните податоци се трошат побрзо отколку што очекуваме – без дури и да отвориме YouTube или Netflix. Виновниците често се кријат во тивката позадина на вашиот телефон: автоматски ажурирања, синхронизации и апликации што го трошат вашиот интернет без да прашате.
Ви ги претставуваме 5-те најчести поставки што ги трошат вашите мобилни податоци и како да ги исклучите во неколку чекори.
1 Автоматско ажурирање на апликации преку мобилната мрежа
Телефонот автоматски ги ажурира апликациите штом ќе бидат достапни, дури и кога сте на мобилна мрежа. Големите игри, апликациите со чести ажурирања и социјалните мрежи можат да „изедат“ стотици мегабајти без да забележите.
Решението е да поставите ажурирања да се случуваат само кога сте на Wi-Fi.
Каде се наоѓаат поставките:
Android: Play Store > Поставки > Автоматско ажурирање на апликации
iPhone: Поставки > App Store > Автоматски преземања
shutterstock-google-photos.jpg
Фотографија: Shutterstock
2 Автоматско креирање резервна копија на фотографии (Google Photos, iCloud, итн.)
Ако сте го вклучиле автоматското прикачување на фотографии и видеа во облакот, секоја нова слика веднаш се испраќа онлајн – без оглед на тоа дали сте на Wi-Fi мрежа или не.
Како да се реши? Во неколку чекори:
Google Photos: Поставки > Резервна копија и синхронизација > Исклучи користење на мобилни податоци
iCloud: Поставки > iCloud > Фотографии > Исклучи „Мобилни податоци“
3 Синхронизирање на апликации во позадина
Апликациите постојано комуницираат со серверите – бараат нови пораки, известувања, статуси. Ова значи постојан проток на податоци, примери се Facebook, Gmail, календари. Еве како да го исклучите ова:
Android: Поставки > Сметки > Автоматска синхронизација – исклучете
iPhone: Поставки > Пошта > Сметки > Преземи нови податоци > Рачно
4 Автоматска репродукција на видео
Скролувате низ каналот на вашата омилена мрежа, а видеата се репродуцираат сами – и тоа во HD квалитет. Еве како да ја исклучите оваа опција на некои од најпопуларните мрежи.
Facebook: Поставки и приватност > Поставки > Медиуми > Автоматска репродукција > Само на Wi-Fi
Instagram: Поставки > Користење на податоци > Помала употреба на мобилни податоци
Twitter: Поставки > Податоци > Автоматска репродукција на видео > Само Wi-Fi или исклучено
5 Локација во позадина (GPS)
Некои апликации (како Google Maps, апликации за временска прогноза, па дури и Facebook) ја следат вашата локација цело време – што вклучува и користење на податоци и батерија.
Како да го исклучите:
Android: Поставки > Локација > Пристап до апликација > Изберете „Дозволи само додека се користи апликацијата“
iPhone: Поставки > Приватност > Локација > Изберете ограничен пристап
