Во чест на Меѓународниот ден на мултилатерализмот и дипломатијата за мир, Europе House Veles распишува фото конкурс “Diplomatic Lenses”.
„Сликнете ни ја вашата перспектива за мир, дипломатија и сѐ она што ве инспирира на визија на подобар свет и ако вашата фотографија нè фасцинира, Fuji Instax камерата станува ваш нов партнер за авантури! Не е потребно професионална камера – користете било кој тип на камера!„ се вели во објавата за конкурсот.
За да се учествува на конкурсот потребно е да се слика нешто што претставува мултилатерализам, дипломатија или пак мир, да се напише краток опис што ја објаснува визијата и порака како и наслов на фотографијата и да се испрати фотографија со име и презиме на veles@euhouse.mk.
Конкурсот трае до 1-ви мај, а победникот ќе биде назначен и објавен по оценувањето на стручна жири комисија.
„Вашите перспективи и креативни гледишта се важни за нас. Искористете ја оваа прилика да покажете како фотографијата може да биде моќен медиум за илустрација на дипломатска хармонија “, порачуваат од Europе House Veles.
