Петнаесет млади поети се избрани да читаат поезија на третата „Отскочна даска“ што ќе се одржи на 29 мај од 20:00 часот во кафе-книжарницата „Буква“, во склоп на годинешниот „Скопски поетски фестивал“. На самите поети учесници ќе остане задачата да го одберат најдобиот поет/ поетеса меѓу нив, за тој/таа да чита и на официјалното отворање на фестивалот на 30 мај, заедно со другите учесници во официјалната програма.
Вкупно 40 млади поети доставиле свои дела од кои интерната жири-комисија составена од членови на управниот одбор и на организацискиот одбор на фестивалот избра 15-мина за настап на годинешното второ издание на „ Отскочна даска“.
Имињата на избраните 15-мина (по азбучен ред на презимето) се: Андреј Анѓеловиќ, Надица Банишка, Сања Василева, Душко Двојаковски, Вероника Димоска, Сара Ѓорѓијоска, Селин Есад, Моника Ивановска, Анамарија Јанкова, Јане Моневски, Милена Неделковска, Мила Поповска, Дарио Постоловски, Стефан Спасовски и Карла Шкрлец.
„Во овој миг би сакале да им пратиме порака и на другите млади поети што учествуваа: бевте одлични и ве охрабруваме да продолжите со пишување. Ќе ни биде драго ако присуствувате на сите настани во рамки на фестивалот“, порачуваат организаторите.
„Скопскиот поетски фестивал“, чиешто четврто издание ќе се одржи во периодот од 29 мај до 1 јуни, е поддржан од Министерство за култура, а негови помагатели се Младинскиот Културен Центар ‒ Скопје, градската библиотека „Браќа Миладиновци“ ‒ Скопје, кафе-книжарницата „Буквa“, Хрватското друштво на писатели (HDP), ПНВ Публикации и Хотел Цара 1928. Медиумски покровител е МИА, а медиумски партнери се Радио МОФ, Кајгана, Умно и Култура Бета
