Вкупно 100.000 барања за меѓународна заштита кои ги поднеле Сиријците во азил во Европската унија се разгледуваат во 27 земји-членки на Унијата, според податоците кои денеска ги објави Агенцијата на ЕУ за азил (EUAA).
На крајот на октомври беа забележани нешто повеќе од 108.200 барања на чекање за првична одлука, а покрај тоа, познато е дека на одбиените барања може да се поднесе жалба, соопшти истиот извор.
Овие податоци беа објавени во моментот кога властите на повеќе земји-членки на ЕУ, како што се Германија, Италија, Шведска и Белгија, објавија дека ја суспендираат обработката на барањата за азил на Сиријци по падот на владата на Башар ал Асад изминатиот викенд.
Од почетокот на војната во Сирија, повеќе од половина од населението избега од земјата, односно 13 милиони луѓе, според Агенцијата на ОН за бегалци (UNHCR).
Иако соседните земји (Турција, Либан, Јордан, Египет итн.) примиле најголем дел од шестте милиони сириски бегалци, многу од нив исто така побегнале кон Европа.
Во ЕУ, Германија беше првата земја прифатувач, и таму се наоѓа скоро 800.000 сириски бегалци или барачи на азил, додека Шведска е на второ место. И во другите земји-членки на ЕУ, Сиријците се на прво место по бројот на барања за азил.
