Музиката е универзален медиум за испраќање порака и креирање емоции низ историјата. Како што годините поминуваа и текстовите напредуваа, музиката стана многу повеќе од мелодија за уживања и стана водич за општествени движења, глас за безгласните и симбол на надеж.
Без разлика дали текстот носи љубовна порака, анти-војна или повикува на мир, споделуваме со вас 10 песни креирани за подобар свет кои испраќаат порака за мирно живеење.
- Redemption Song – Bob Marley
Песните на Боб Марли станаа синоним за мир и единство, отелотворувајќи безвременски вреднсоти кои одекнуваат низ генерациите. Тие претставуваат безвременска химна за секое општествено движење кое се бори за подобар свет, а „Redemption Song“ е пример за тоа како една песна може на нашите вознемирени души да ни ја донесе смиреноста што ни е потребна во животот, терајќи да размислуваме за нашето минато и иднината.
- Blowin’ in the Wind – Bob Dylan
Оваа песна на Боб Дилан од 1962 година е опишана како протестна песна и химна за граѓански права и за нуклеарно разоружување. Песната ја доведува во прашање истрајноста на војната, непотребното насилство и угнетувањето.
- All You Need is Love – The Beatles
Оваа песна за прв пат е изведена на телевизиското шоу „Нашиот свет“ во 1967 година и беше значајна како прва меѓународна сателитска телевизиска продукција во живо. Наскоро стана химна за целиот свет со порака за славење на љубовта како универзална сила што ги надминува границите.
- We Want Peace – Lenny Kravitz
Оваа песна на Лени Кравиц беше објавена за симнување во 2009 година како протест против инвазијата на Ирак и во неа се адресираат теми како војна, насилство и неправда.
- Imagine – John Lennon
Оваа песна замислува свет без граници, сопствеништво или религии, каде човештвото живее во хармонија и промовира иднина ослободена од поделби и конфликти кои го уништуваат општеството, испраќајќи универзална порака за надеж и обединување.
- Gimme Shelter – The Rolling Stones
Излезена во 1969 година на нивниот албум „Let it bleed“, Ролинг Стоунс со оваа песна подигнуваат свесност за суровата реалност на војната и за тоа како луѓето очајно бараат засолниште. Во интервју за Ролинг Стоун во 1995 година, Мик Џегер објасни дека бендот несомнено бил погоден од Виетнамската војна при создавањето на песната.
- What a Wonderful World – Loius Armstrong
Кога беше објавена оваа песна не доби многу внимание во САД, бидејќи претседателот на ABC Records не ја сакал и не сакал да ја промовира. Откако тој се повлекол од компанијата, песната добила мала промоција, но таа сепак успеа да стане светски хит, покажувајќи дека силата на музиката е незапирлива.
- We are the World – Michael Jackson
Овој хуманитарен сингл, насловен „Ние сме светот“, беше снимен од САД за Африка. Беше инспириран од „Дали знаат дека е Божиќ?“ хуманитарен сингл од 1984 година, снимен од некои од најпопуларните британски и ирски музичари за да соберат пари за да се стави крај на гладот во Етиопија. Текстот на „Ние сме светот“ е повик за мир, фокусирајќи се на благосостојбата на децата ширум светот.
- Under Pressure – Queen
Овој сингл е издаден во 1981 година како кулминација на соработката помеѓу Квин и Дејвид Боуви, како две од најголемите имиња во рок музиката во историјата. Песната истражува теми за притисок од работа, стрес и човечката состојба во општеството на рутини. Текстот на песната допира теми како што се економските тешкотии, социјалната нееднаквост и борбите на секојдневниот живот.
- All Along the Watchtower – Bob Dylan
Напишана и објавена од Боб Дилан, оваа песна доби популарност преку коверот на Џими Хендрикс. И двете верзии се еднакво моќни, со текстот кој е криптички разговор помеѓу двајца чувари, кои ги споделуваат своите перспективи за светот и ужасите кои се случуваат како губење на природните ресурси откако богатите ги зеле, до разбирањето на тоа каков е животот и каков треба да биде.
Извор: Playing for Change
