Актерката Џенифер Анистон претходно зборуваше за нејзината велнес рутина – од редовно вежбање, урамнотежена исхрана до хигиена на спиење. Анистон во интервју за Allure изјави дека кога станува збор за здравјето и фитнесот го следи правилото „80/20“.
„Морате да го живеете својот живот. Без ограничувања, освен да не станувате зависници од тешки дроги. Тоа е пристап 80/20.
„80% здрав живот и 20% уживање во мартини, пица и хамбургери но и останување будни до доцна во ноќта со вашите пријатели. Тоа е рамнотежа“, рече Анистон.
Актерката откри дека вежба најмалку четири пати неделно.
„Кога работам, за жал, понекогаш можам да тренирам два или три пати. Тренингот за сила е најважен за жените во 50-тите години. Ако изгубите мускули, вашите коски стануваат кршливи и заробени со остеопороза. Тогаш можеме да паднеме и да скришиме колк”, рече Анистон.
Покрај тоа што работи на физичкото здравје, исто толку време троши и на своето ментално здравје.
“Мораме да ги сакаме нашите тела”, рече актерката и додава дека се борела со самодовербата на почетокот на нејзината кариера, но дека нејзината перспектива се променила со текот на годините.
„Секако, дека сите старееме, но како да се одржуваме додека старееме? Затоа на нашето тело мора да му го дадеме заслуженото внимание. Јас лично, ги сакав моите 30-ти, но моите 20-ти ми беа ноќна мора. Почнав да го разбирам вежбањето од 30-тите и 40-тите години“, вели таа.
Што се однесува до нејзината филозофија за менталното здравје, актерката вели дека има мото: „Се што можете да направите, правете го најдобро што можете“. Таа откри дека секое утро се труди да медитира и се истегнува пред спиење. Сепак, таа признава дека во последните 10 до 15 години има проблеми со спиењето.
„Навистина се трудам да поработам на мојата хигиена за спиење и го мразам тој збор. Не можам да поднесам „хигиена на спиење“. Се обидувам во текот на неделата да си легнувам во 22 часот, да исклучам сè, а потоа да седам и да му дозволам на светот да се сруши. Се обидувам да го направам тој предизвик за себе. ‘Некои денови сум одлична, а некои не’“, вели таа.
Познатата актерка истакна дека секогаш има простор за подобрување, но и дека цврсто верува оти не смее да биде строга кон себе. „Светот е многу злобен во моментов и агресивен и негативен. Па зошто да си го направиме тоа“?
Џенифер, исто така, се надева дека ќе ги редефинира „правилата на стареење“ со тоа што ќе им пристапи на доцните 50-ти години со размислување на „позитивност и благодарност“. „Се трудам да не размислувам за стареењето. Се трудам да не размислувам за годините. Светот секогаш ќе биде тука за да ни каже колку години имаме и што треба да прават жените во општеството. Затоа треба да изградиме сопствени правила“, рече Анистон.
