Бидејќи повеќето корисници ги менуваат своите телефони по две до три години користење, ретко кој останува лојален на својот уред четири или повеќе години. Уште поретки се оние најупорните, кои го користат својот телефон додека нешто непоправливо не се расипе. Сепак, се чини дека ќе има се повеќе и повеќе упорни корисници.
Според најавата на Qualcomm, компанијата ветува дека ќе го поддржува својот хардвер цели осум години, кој вклучува телефони напојувани од Snapdragon 8 Elite, како и најновите процесори од сериите Snapdragon 8 и Snapdragon 7.
Ова ветување е дел од Project Treble, кој ќе им овозможи на производителите на паметни телефони да интегрираат нови Android системи без оптоварување со значително менување на кодот на уредите во иднина, дури и ако се неопходни ажурирања на кернелот.
Со други зборови, производителите едноставно го изгубија најголемиот изговор за тоа што не ги ажурираат своите телефони секоја година.
Сепак, иако на пазарот веќе има уреди кои се напојуваат со Snapdragon 8 Elite, најавата за осумгодишна поддршка се однесува исклучиво на оние телефони кои се лансираа со Android 15. Qualcomm исто така соопшти дека најавената поддршка ќе важи за сите идни Snapdragon 8 и Snapdragon 7 чипови во следните пет години.
