Јужна Кореја и Соединетите Американски Држави работат на пакет договори кои ќе ги укинат американските и реципрочните царини пред тие да стапат во сила во јули, соопшти јужнокорејската делегација по првиот круг трговски преговори во Вашингтон.
САД и Јужна Кореја во четвртокот имаа „многу успешна“ средба, изјави американскиот министер за финансии Скот Бесент по тој состанок.
„Изгледа дека се движиме побрзо одошто мислев, и веќе следната недела ќе разговараме за техничките услови“, им рече тој на новинарите.
Бесент и американскиот трговски претставник Џејмсон Грир се сретнаа со министрите за финансии и индустрија на Јужна Кореја.
Ниту една страна не откри детали за можните области на преговори, но Јужна Кореја соопшти дека побарала изземање од реципрочните и американските царини за одредени производи.
Таа понуди соработка во бродоградба и енергетика, како и разговори за трговски нерамнотежи.
Кореиcкиот министер за индустрија Ан Дук-гeун изјави дека целта е да се постигнат договори до 8 јули, денот кога истекува одложувањето на воведувањето на царините што ги воведе американскиот претседател Доналд Трамп за речиси целиот свет.
Републиканецот најави реципрочни царини од 25 проценти за Сеул, а Јужна Кореја е една од првите земји со кои американската влада започна трговски преговори.
