На 29 мај од 18:00 до 21:00 часот во Бруталиск во организација на „Еквалис“ ќе се одржи отворено јавно предавање „Тела под опсада: Подемот на анти-родови и десно-фашистички движења“ коешто ќе го води реномираната истражувачка новинарка од Велика Британија и авторка на книгата Bodies Under Siege- Шон Норис.
Низ ова ова јавно предавање, Шон Норис ќе даде увид во тоа како анти-родовите движења се вкоренети во длабока фашистичка идеологија. Преку прикажување на архитектурата на фашистичките идеи и како жените и ЛГБТИ+ луѓето се сместени во нив, Шон ќе даде увид како десничарските движења го замислуваат и остваруваат уназдувањето на женските и ЛГБТИ+ права. Низ своето екстензивно искуство како истражувачка новинарка ќе илустрира како овие движења навлегоа во мејнстримот преку конкретни организации, тинк-тенкови, неформални групи, религиски организации и олигарси најчесто со свои потекла од САД, Русија, но и Европската Унија, а коишто главно својата работа ја шират во Источна Европа и Глобалниот Југ.
Ова предавање исто така ќе ги открие некои од најчестите тактики и мрежи на финансирање на анти-родовите движења и ќе прикаже како ултра-десничарските теории на заговор околу миграција, правата на жените и ЛГБТИ+ права станале владини политики низ Европа и САД. Овие сознанија Шон ги црпи преку своето истражувачко искуство како новинарка, но исто така во својата книга „Тела под опсада: Како ултрадесничарскиот напад врз репродуктивните права се прошири глобално“ таа објаснува како за да ги открие тактиките на анти-родовите актери имa прикриено присуствувано на големите собири на анти-родовите организации во Европа.
Шон Норис е истражувачка новинарка којашто во моментов работи за openDemocracy. Нејзините истражувања се објавувани во The Observer, The Times, i news, the New Statesman, the Dial и the Lead. Преку својата работа истражувала и известувала од Украина, Кенија, Бангладеш, Романија, Полска и Велика Британија. Нејзината книга „Тела под опсада: Како ултрадесничарскиот напад врз репродуктивните права се прошири глобално“ беше издадена во 2023 од Verso. Шон е основачка на Bristol Women’s Literature Festival.
Ова јавно предавање се организира во партнерство со Engaged Democracy Initative и Европскиот фонд за Балкан.
Поради ограничен број на места задолжителна е претходна регистрација за предавањето: https://forms.gle/xcERkgCKj9wkvpSQ7
