Ваквите бројки покажуваат дека Македонија е помеѓу земјите со најлош јавен превоз во Европа, а понезадоволни од јавниот превоз се само жителите на Италија, Албанија, Црна Гора и Србија.
Според истражувањето кон ставовите на граѓаните влијаеле достапноста, безбездноста, доверливоста и фреквенцијата на јавниот превоз.
Со 53 отсто незадоволство, јавниот превоз во земјава е оценет како лош, а тоа се гледа и според објавите на граѓаните на социјалните мрежи кои подолг период се мачат со редуцирани возни линии и недостаток на автобуси.
Според анкетите, Скопје е на дното и по употребата на јавниот превоз со само 28 отсто, додека дури 64 отсто од граѓаните рекле дека користат свое превозно средство.
Од земјите каде што има најдобар јавен превоз и каде што граѓаните се најзадоволни, покрај Австрија, на листата високо котираат и ФИнска, Чешка, Норвешка, Полска и Велика Британија.
