Долгорочниот закупец на комплексот, Adriatic Properties, кој е сопственик на Aman Resorts, управува со одморалиштето според договор за закуп со владата. Државата поседува 58,6 отсто од акциите.
Adriatic Properties и Aman Resorts ги затворија хотелите во одморалиштето пред сезоната 2021, бидејќи рекоа дека повеќе не можат да ја гарантираат приватноста на своите гости на плажите што ги изнајмиле покрај хотелите.
Ѓоковиќ, кој е светски амбасадор на Аман, истакна дека ќе го искористи своето влијание за да го реши проблемот откако компанијата побарала од него да арбитрира.
„Некако добив… барање од моите партнери, Аман, чиј амбасадор сум на глобално ниво, да се обидам да постигнам решение прифатливо за двете страни“, изјави Ѓоковиќ за Вијести.
„Јас не сум на ничија страна овде, всушност јас сум само некој што само се обидува да работи за општиот интерес на Црна Гора“, рече тој
„Се надевам дека овие средби што ги имавме се само вовед и почеток на изнаоѓање решение и дека тоа ќе биде на хоризонтот многу брзо“, додаде тој.
Ѓоковиќ често ја посетува Црна Гора и ја истакна својата гордост со црногорските корени на неговото семејство. Во 2014 година во Свети Стефан се ожени со сопругата Јелена.
Владата потврди за БИРН дека Спајиќ и Ѓоковиќ разговарале во неделата, но медиумите се уште не добиле официјална изјава од средбата.
Во 2007 година, владата, тогаш предводена од Демократската партија на социјалистите, ДПС, која ги загуби изборите во 2020 година, му даде 30-годишен закуп на одморалиштето на Aman Resorts со седиште во Сингапур, поздравувајќи го како прво јавно-приватно партнерство во туристичкиот сектор на земјата.
Пред одлуката на компанијата да го затвори одморалиштето во 2021 година, оградите околу плажите беа урнати во март истата година на протест на локалното население и лидерите на локалните власти во Будва кои бараа безусловен јавен пристап до плажите.
Компанијата покрена меѓународна арбитража во Лондон, барајќи од Црна Гора 100 милиони евра за надомест на штетата. И покрај најавите за можен договор, одморалиштето останува затворено веќе четврта година.
За Свети Стефан се заинтересирани и потомците на последниот југословенски крал Петар II Караѓорѓевиќ. Во 2021 година тие ја повикаа новата влада да го врати имотот за кој тврдат дека му припаѓа на поранешното кралско семејство, вклучувајќи го и одморалиштето Свети Стефан.
