Програма која инспирира
Оваа година, подземниот простор ќе биде исполнет со богата програма која ги комбинира музиката, визуелната уметност и архитектурата. За музичката атмосфера ќе се погрижат:
- Alembic
- Namuz
- Pondskull
Љубителите на визуелната уметност ќе имаат можност да ги погледнат делата на реномирани уметници како Еџе Али, Јелена Белиќ, Ангела Георгиевска, Симона Манчева, и многу други, вклучувајќи и дела од гостинските уметници од Грција ΓΑΔΑΚ и Софиа Григориаду.
Особен акцент ќе биде ставен на студентите од Архитектура, кои ќе ги претстават своите иновативни проекти, притоа докажувајќи дека иднината на уметноста и дизајнот е светла.
Зошто да не го пропуштите?
„Уметноста ги зближува луѓето,“ велат организаторите, и токму тоа е духот на овој настан. Без разлика дали сте љубител на музиката, сликарството или едноставно сакате да бидете дел од нешто поинакво, „Под земја полесно се дише“ е место каде што креативноста нема граници.
Дојдете, почуствувајте ја магијата на подземјето, и уживајте во атмосферата која инспирира и поврзува. Настанот започнува во 12:00 часот и ветува забава до доцна во ноќта.
