Мал минерал, огромна моќ – а уште поголема опасност ако нема доволно од него. Јодот, елемент без мирис и вкус, стои на првата линија на одбрана за нашата тироидна жлезда, а со тоа и за нашето целокупно здравје.
Улогата на јодот во телото
Јодот е неопходен за синтеза на тироидни хормони – тироксин (Т4) и тријодотиронин (Т3). Овие хормони влијаат на голем број процеси во телото, вклучувајќи:
- Регулирање на метаболизмот
- Одржување на телесната температура
- Срце и крвен притисок
- Развој на мозокот и нервниот систем, особено кај фетусите и малите деца
- Раст и правилен развој на организмот
Д-р Дејвид Дери рекол дека јодот е најдобриот антибиотик и антивирусно средство („Јод – заборавеното оружје против вирусот на грип, 2009 година). Тој истакнува дека јодот ги убива бактериите, вирусите, габите, протозоите, па дури и бактериските и габичните спори.
Во контекст на фактот дека повеќето болести или започнуваат или продолжуваат со воспаление предизвикано од бактерии и вируси, тогаш оваа информација е важна. Имено, на секои 17 минути крвта рециркулира низ ткивото на тироидната жлезда, во кое, доколку има доволно количество јод, бактериите и вирусите ќе бидат уништени.
Колку јод е доволно?
- Возрасни: околу 150 µg дневно
- Бремени жени и доилки: 220–290 µg дневно
- Деца: од 90–120 µg на ден
Мора да дојде однадвор
За разлика од некои витамини, јодот не може да се синтетизира – тој мора да дојде однадвор. Најчестиот извор е јодираната сол, но проблемот е што додавањето сол во храната може да го зголеми ризикот од други здравствени проблеми како што се висок крвен притисок и срцеви заболувања, па затоа се препорачува претпазливост при неговата употреба.
