Натпреварувачкото жири, составено од холивудски ѕвезди, режисери и актерски имиња од целиот свет, го сочинуваат бразилската актерка Фернанда Торес, иранскиот режисер Мохамед Расулоф, францускиот автор Стефан Бризе, италијанската режисерка Маура Делперо, романскиот добитник на Златна палма Кристијан Мунџиу и кинеската актерка Жао Тао.
Годинешната Мостра донесе комбинација од холивудски хитови, азиски мајстори и европски автори, сите во обид да остават впечаток на почетокот на сезоната за награди.
Според резултатите на Tomatometer, филмот „Џеј Кели“ на Ноа Баумбах моментално има 84%, а критичарите го оценуваат како дело со „поетизам што може да се цени во многу поединечни сцени“ и потенцијална номинација за Оскар за Џорџ Клуни.
Филмот „Франкенштајн“ на Гилермо дел Торо е исто така високо оценет, со критики за „стил, емоционална длабочина и одличната изведба на Џејкоб Елорди“.
Најголем впечаток кај критичарите остави „Нема друг избор“ на Парк Чан-вук, кој е наречен „маестрално филмско дело“ и „најдобриот филм во натпреварот досега“.
Сите резултати и оценки од Tomatometer за филмовите прикажани на фестивалот можете да ги погледнете на официјалната табела на Меѓународниот филмски фестивал во Венеција 2025.
Извор: Независен
