Од четвртокот до саботата, настанот Heritage Auctions во Далас прикажа над 900 пакети, вклучувајќи оклопи, мечеви и оружје, накит и неколку други значајни предмети од серијата на HBO.
Највреден предмет на аукцијата беше токму она за кое се натпреваруваа ликовите во серијата во текот на осумте сезони: Железниот трон. По шестминутна наддавачка војна, тронот беше продаден за 1,49 милиони долари.
Репликата е направена од пластика и обликувана од оригиналната верзија, а потоа е завршена со метална боја и украси на скапоцени камења. Во серијата, тронот беше кован со змејски здив што ги стопи мечевите на илјада поразени предизвикувачи и стана симбол на борбата за моќ во текот на целата серија.
Heritage Auctions објави во соопштението од неделата дека настанот донел 21,1 милиони долари од повеќе од 4.500 понудувачи.
Извршниот потпретседател на Heritage, Џо Мадалена во изјава рече дека знаел оти аукцијата ќе има одек.
„Ова се извонредни богатства направени од дизајнери на костими и реквизити наградени со Еми, кои неуморно работеа на адаптација на прекрасните романи на Џорџ Р.Р. Мартин“, рече Мадалена. „Луѓето сакаа дел од магијата на ‘Игра на тронови’“.
Покрај најскапиот Железен трон и над 30 други предмети беа продадени за шестцифрени суми.
Мечот со потпис на Џон Сноу, Longclaw, кој на екранот го користеше Кит Харингтон, беше продаден за 400.000 долари, а неговата униформа од „ноќната страж“, со тешка наметка, отиде за 337.500 долари. И двете ставки започнаа долги војни за наддавање.
Почетните понуди се движеа од 500 до 20.000 долари.
Таков беше случајот со неколку наметки и фустани кои ги носеше Емилија Кларк како Денерис Таргариен и Лена Хеди како Серсеј Ланистер.
Оклопите исто така се покажаа популарни, особено кога вклучуваа и оружје. Оклопниот комплент од црна кожа на Џејми Ланистер достигна цена од 275.000 долари, а неговиот оклоп „Кингсгард“ – вклучително и неговиот култен долг меч Оаткипер – отиде за 212.500 долари. Оклопот на Квинсгард кој го носеше ликот Грегор „Планината“ Клеган е продаден за 212.500 долари.
Во интервјуто кога беше објавена аукцијата во септември, Џеј Роу, виш потпретседател на HBO за глобални стимулации и планирање на производството, рече дека продажбата зборува за моќта на серијата да остане популарна пет години по нејзиното финале.
