Филмот е создаден како продолжение на истоимената серија на БиБиСи од Стивен Најт. Крими серијата „Peaky Blinders“ имаше шест сезони и се емитуваше од 2013 до 2022 година.
Во соопштението кое го потврди завршувањето на снимањето, беше споделена и нова фотографија од сетот со Силијан Марфи во улогата на Томас Шелби и Бери Коган чија улога се уште не е позната.
Според Digital Spy, филмот би требало да се вика „The Immortal Man“. Заплетот на филмот ќе ги следи преостанатите членови на семејството Шелби за време на Втората светска војна.
Креаторот на серијата и сценаристот на претстојниот филм Стивен Најт минатиот месец откри дека филмот е снимен во студиото Дигбет Лот во областа Дигбет во Бирмингем.
