Додека НАСА се подготвува да ја создаде новата генерација на вселенски костуми наменети за астронаутите кои ќе се упатат на Месечината во 2025 година, во воздухот како веќе да се чувствува нова возбуда во врска со вселенското патување.
Постојните вселенски одела што ги носат американските вселенски патници не претрпеле целосен редизајн од 1981 година. Сега се вели дека прототипот е соодветен за астронаутите, но доколку добие конечно одобрение, ќе се користи во мисијата Артемида 3, првото слетување на Месечината со екипаж во последните пет децении.
Со целата оваа најава, многу луѓе почнаа да се прашуваат каков е животот во вселената и како астронаутите ги извршуваат едноставните секојдневни задачи како што е исхраната. За да дознаат, новинарите од радио емисијата на Би-Би-Си Food Chain разговарале со Никол Сот, пензионирана астронаутка на НАСА.
„Ми недостасуваше пица“
„Постојано мислев на пица“, признала Стот, која во текот на својата долга кариера поминала повеќе од 100 дена на две различни мисии на Меѓународната вселенска станица (ISS), преживувајќи со специјално подготвена храна.
„Постоеја моменти на помисла за навистина убаво парче пица со сочна и крцкава кора, топено сирење и топол сос“, опишува таа, оближувајќи се.
Свемирските менијата мора да се менуваат за да одговараат на простор со нулта гравитација, така што нема леб, а со тоа се спречува трошките да летаат наоколу. Наместо тоа, екипажот јаде тортиљи.
„За појадок можете да јадете пржени јајца. Ако сакате, можете дури да земете и некој мал омлет“.
Екипажот на ISS е составен од луѓе од различни земји. Стот открива дека астронаутите често меѓусебно разменувале храна како што тоа го прават децата во училиште.
„Ручекот беше мешавина од супи. Повторно, можете да завиткате речиси сè што сакате во тортиља, а за вечера ги имаше моите омилени јапонски кари, кои се одлични“.
„Храна што лебди“
На ISS нема чинии и садови, бидејќи сè лебди.
Храната што ја јадат астронаутите е исклучително преработена, а за да се намали нејзината тежина, од неа се цеди вода, а потоа, со помош на машини за топлење и ладење на вода, астронаутите ја рехидрираат храната пред да почнат да ја јадат.
Храната е спакувана во пакети, па астронаутите ги користат како чинија, но и употребуваат и специјална лажица за јадење.
„Го земате оризот со лажицата со долга рачка и потоа се обидувате да го префрлите во сос-кари. Самото префрлање може да предизвика лебдење на храната“, објаснува Стот.
Јадењето храна што лебди во свемирот е доста тешко. Меѓу другото Стот додала и дека иако е тешко да се јаде во такви околности истото е и забавно.
„Рециклирана вода“
Хидратацијата во вселената е важна, но од каде доаѓа водата?
Дел од водата се зама со самото тргнување од Земјата, а остатокот што се користи се добива по пат на рециклирање. За тој процес се користи целата отпадна вода, па дури и урината и влагата од просторот и храната.
Можеби сето ова звучи одбивно, но НАСА тврди дека оваа вода е почиста од она што повеќето од нас ја пијат на Земјата.
