Местото на несреќата е речиси недостапно за спасувачките екипи. Лошата инфраструктура и продолжените вооружени судири дополнително ја отежнуваат евакуацијата на преживеаните и доставувањето хуманитарна помош. Организациите на терен, меѓу кои и Црвената полумесечина и локалните здруженија, испраќаат апели за итна интернационална реакција.
Апели за итна хуманитарна интервенција
Суданската Освободителна Армија (SLA) испрати итен повик до Обединетите нации и меѓународна хуманитарна заедница за помош при извлекувањето на телата и помош на преживеаните известува AP News. Судан веќе долго време се справува со оружен конфликт, а многу делови, особено во реонот на Марра, се речиси недостапни за хуманитарни тимови поради ограничени и небезбедни комуникациски артерии
Земја во длабока криза
Судан веќе повеќе од една година е разорен од судири меѓу ривалските воени фракции – Суданската армија и Паравоените Сили за брза поддршка (RSF). Конфликтот предизвика масовни раселувања, глад и систематски кршења на човековите права. Според Обединетите Нации, милиони луѓе се изложени на ризик од глад, а Дарфур е меѓу најпогодените региони.
Дарфур – долгогодишна рана
Регионoт Дарфур и пред сегашниот конфликт беше симбол на трагедијата во Судан. Од почетокот на 2000-тите таму се водат крвави борби и етнички судири кои резултираа со масовни убиства и прогон на населението. Новата природна катастрофа само ја зајакнува перцепцијата дека овој дел од земјата останува заложник на комбинација од политички, воени и хуманитарни катастрофи.
Од Amnesty International истакнаа дека војната во Дарфур трајно остава трауми — милиони граѓани се изложени на нарушени човекови права, етнички насилства и дискриминациска агресија. Организацијата повика на апсолутна заштита на цивилите и рамковна хуманитарна поддршка без одложување
Потреба од глобална солидарност
Меѓународната заедница сè повеќе ја изразува својата загриженост. Хуманитарните организации предупредуваат дека без итна интервенција бројот на жртвите ќе расте. Апелите се насочени кон донатори и институции ширум светот да обезбедат храна, вода, медицинска поддршка и засолништа за погодените заедници.
