Во понеделник, на 1 септември, треба да започне новата учебна година. „Овој 1 септември не го одбележуваме почетокот на учебната година, туку 10 месеци од падот на надстрешницата. Се сеќаваме на трагедијата, бараме одговорност, се бориме за подобра држава. Не вртиме глава. Заедно до крај“, напишаа Студентите во блокада на својот Инстаграм профил.
Покрај тоа, објавена е и мапа на движењето на учесниците. Како што е најавено, ќе се одржи комеморативна прошетка под името „Средношколците паметат“, која ќе започне во понеделник во 18:30 часот. Прошетката ќе почне од старата главна железничка станица, преку Немањина до зградата на Министерството за образование, потоа до СКЦ и Уставниот суд, зградата на РТС, сè до Плоштадот на Републиката. „Свирчињата оставете ги дома“, порачаа студентите.
Според Nova.rs, на првиот училиштен ден, матурантите, со поддршка на родителите, дел од наставниците, како и студентите во блокада, ќе одржат комеморативна прошетка по повод 10 месеци од падот на надстрешницата, а во некои училишта од директорите било побарано тој ден да биде ненаставен, односно неработен за сите, освен за прием на новите ученици – првачиња.
Извор: Danas.rs
