Во 2005 година, кога се запознале во Скотина, во Грција, Владимир и Ига започнале романтична врска. Тогаш нивната поврзаност наликувала како и на сите летни авантури и некако биле реални дека оваа нема да трае.
„Имавме навистина одлично време“, вели Ига. „Но, јас сè уште бев во средно училиште. Живеевме многу различни животи во смисла дека сме во различни земји. Немаше шанси да имаме иднина. Така, се сеќавам дека го чувствував и тоа – чувствував дека е возбудливо, но и знаејќи дека има крај на тоа“.
„Губењето на допир беше природно“, размислува Владимир денес. „Тоа доаѓа со далечината“.
Летниот одмор завршил. Социјалните мрежи сè уште беа во првите денови во 2005 година, но двајцата разменија имејл адреси.
Кога Фејсбук стана сеприсутен, тие двајца се поврзаа таму. Повремено комуницирале, а времето си течеше.
Ига завршила факултет, дипломирала и се преселила од Полска во Германија. Се омажила и се развела за една година.
Во меѓувреме, работата на Влад го одведе во САД и тој трајно се преселил таму во 2015 година.
„Си ветив, кога ќе одам во САД, нема да стапам во врска најмалку една година“, се сеќава тој.
Влад живееше и работеше во Чикаго само еден месец, кога на телефон му се појави порака. Беше од Ига.
Таа транзитирала низ Република Македонија (која го промени името во Северна Македонија по референдумот во 2019 година) и имаше застој на аеродромот, недалеку од родниот град на Влад. Во пораката до Влад му рекла дека е тука и доколку сака може да се видат. 10 години подоцна.
Но, Владимир беше на другата страна на светот, во САД. Кога ја виде пораката на Ига, за неколку минути премина од возбуда во разочарување, изненадувајќи се себеси со тоа колку е тажно што му недостасува Ига.
Влад објаснил дека се преселил во САД, но дека сака да ја види Ига и оттогаш започнала зачесетена комуникација меѓу старите пријатели на Фејсбук месинџерот. Разговараа секој ден за нивните животи, пополнувајќи ги празнините во изминатата деценија.
„Брзо стана навистина интензивно“, вели Ига. „Се чувствував како повторно да се поврзувам со мојот најдобар пријател, со некој многу драг за мене“.
„Беше толку убаво и освежувачки да се разговара со Ига“, вели Влад.
Не поминало многу време кога Ига одлучила да замине за САД, во Чикаго, каде што живеел и работел Владимир. Започнале да живеат заедно.
Набргу после тоа Владимир, за време на еден од своите престои во неговата Македонија, заедно со својот брат и неговата девојка отишле во Скотина, Грција. На плажата, на која пред десет години ги имале своите незаборавни тинејџерски мигови тој напишал „Дали ќе се омажиш за мене?“.
Купил прстен и организирал вечера на која и го покажал видеото снимено на местото кадешто се се запознале за пр пат. Ига рекла – Да!
Денес, Ига и Владимир сè уште живеат во САД заедно со нивните две деца. Ига води бизнис со лајф коучинг и работи како проект-менаџер за технолошка компанија, додека Владимир сега е директор на операции во транспортна компанија.
Парот е прилично етаблиран во Чикаго, но сепак редовно ја посетуваат Европа.
„За нас како семејство е многу важно да ги одржуваме тие односи со нашето семејство“, вели Ига. „Иако сме толку далеку, сè уште сакаме нашите деца да знаат што е Полска, да знаат што е Македонија, да ја знаат Европа“.
Изминатото лето, Ига и Владимир се вратија заедно во Грција, носејќи ги децата на плажата каде што се сретнаа за прв пат.
Двојката има омилена фотографија од летото 2005 година, на која двајцата стојат покрај сина врата. Ига се шегува наоколу, нагризува, додека Владимир ја гледа.
„Тоа е важна фотографија“, вели Ига.
Летово, парот ја рекреираше сликата, 19 години подоцна – со помош на еден од долгогодишните пријатели на Владимир, кој беше таму кога се запознаа. Сеќавања на тоа лето остануваат засекогаш.
