Според бројките на All sizes matter, просечниот пенис во светот е долг 13,8 сантиметри, а има обем од 11,8 сантиметри. Најголеми пениси имаат мажите во Еквадор, со 17 сантиметри, по што следуваат Гана и Либан со 16,8, Камерун со 16,7 и Судан со 16,5.
Малку поразлични податоци објави MailOnline, според кои мажите од Еквадор имаат најголема просечна должина на пенисот од речиси 17,6 сантиметри.
Сепак и двата извори се согласуваат дека на последното место се мажите од Камбоџа со пениси од 10 сантиметри.
За да откријат кои земји имаат најголеми пениси, истражувачите во Германија прегледале повеќе од 40 неодамнешни студии во кои учествувале илјадници мажи.
Тимот извлече податоци за просечната големина на пенисот од речиси 90 земји, со мерења независно потврдени. Секогаш кога беше можно, тимот избегнуваше да користи студии во кои мажите сами ја пријавија големината на пенисот.
Европските земји каде мажите се „најгорди“ се Холандија на деветтото место со 15,74 см, Франција на 11 место со 15,76 см и Италија на 19 место со 15,24 см.
Истражувачите кои стојат зад листата велат дека се мачеле да најдат врска помеѓу должината и обемот на пенисот, но откриле дека земјите со повисоки стапки на дебели мажи имаат помали пениси.
Инаку, машката гордост својата максимална големина ја достигнува меѓу 17 и 22 години, додека до крајот на животот полека може да се намалува за дури три сантиметри.
А за оние кои сакаат повеќе податоци, можат да ги најдат на веб-страницата All sizes matter, каде што е објавена и интерактивна светска мапа која ја прикажува просечната големина на пенисот на речиси секоја земја.
Во розова боја се земјите со минимален просек, во виолетова се оние со повисок просек, а во сина се државите со максимум. На мапата се наведени вкупно 143 земји, а просечната големина на пенисот во светот е 13,8 см, а обемот 11,8 см.
Македонија е на 63 место со просечна должина од 14 сантиметри и обем од 12 сантиметри.
Мажите од Босна и Херцеговина се на 25 место со просечна должина од 15,3 см и обем од 12,1 см. Хрватска се најде на 34-то место на мапата, едно место пред Србија, со иста просечна големина на пенис како Србија со 14,8 см, но со обем од 13 см, наспроти 12,7 во Србија. Мажите во Албанија може да се пофалат со 14 сантиметри должина и 12,2 обем.
