Во сабота на 14 септември во 20 часот во Кафе бар „Цреша“, Скопје ќе се одржи концертна промоција на поетската книшка “Јазик за двајца” на Пијан Славеј.
Пијан Славеј (познат како Бранислав Николов) е реномиран музичар, изведувач, текстописец, поет, пејач и фронтмен на групата Фолтин. Како еден од основачите и клучните членови на бендот, тој има девет студиски изданија, како и музика за над триесет театарски претстави и неколку документарни и играни филмови.
