Паника избувна во градот Лиујанг, Кина, откако жарчиња од дефектен огномет при дрон-шоу паднаа директно над главите на минувачите. Инцидентот предизвика неколку пожари во околината и масовна вознемиреност кај присутните.
Настанот се случил за време на организирано шоу со дронови, кога еден од уредите неисправно испуштил запаливи честички, потврдуваат локалните медиуми. За среќа, засега нема извештаи за сериозно повредени лица, но настанот покрена прашања за безбедноста на ваквите манифестации.
Надлежните власти ја истражуваат причината за дефектот и потенцијалната одговорност на организаторите.
