Скопската алтернативна рок-група Fiction веќе осум години ја разнишува локалната сцена со својот препознатлив спој на рок, поп, блуз и фјужн енергија. Со хитовската „Допир“, тие го освоија вниманието на регионалната публика и се пласираа во финалето за престижната награда „Милан Младеновиќ“. Нивниот албум „Лавиринт“, објавен во ноември 2024 година, уште еднаш ја докажа нивната автентичност – со звук што подеднакво заведува, предизвикува и инспирира.
Скопскиот рап колектив Dope Kukjata ја спојува урбаната култура со заразна енергија, фанки ритми и маестрални римски шеми, зад кои стојат харизматични персони со невиден талент. Активни од 2017 година, тие го издадоа футуристичкиот хип-хоп албум „3018“, а потоа следуваа колективните проекти „Sam Doma“, „Sam Doma 2“, „Supergrub“ и „Dedomrazam“ – секој со свој уникатен звук и концепт. Колективниот албум „Dope Kukjata“ ја заокружува нивната заедничка визија и креативна синергија, додека членовите паралелно развиваат различни соло проекти, проширувајќи го нивниот препознатлив стил и влијание на домашната хип-хоп сцена.
PEACH VICE е пост-пандемиcки бенд кој никна од хаосот на претходниот свет, носејќи метафизичка и дијалектичка енергија што го претвора гневот во креативна сила. Со видеата за песните „Диши“ и „Крал“, бендот ја најави својата експлозивна појава, крунисана со дебитантскиот албум „EKIPIZZA“ во јануари 2023 година. Оттогаш, со хитовите „Лице“, „Збор“ и „Ми се гади“, тие инспирираат и ја освојуваат сцената на различни фестивали со неочекуван спој на сурова енергија, метaл ноти и инструменти ретко видени во ваков авангарден контекст.
GWASS (Grand Wizard and Sexy Samurai) е ново и автентично електронско дуо што го освежува домашниот музички простор. Нивниот звук е експлозивна мешавина од house, drum and bass, dubstep, techno, trance и други електронски жанрови, споени со хумор и сценска харизма. Она што ги издвојува е оригиналноста и духовитоста – секоја песна носи свој карактер, приказна и доза на апсурд, со што GWASS внесуваат свежина, енергија и автентична забава во македонската музичка култура. Со своите настапи, тие стануваат симбол на новиот урбан бран што ги обединува љубителите на електронската музика низ генерации.
Бруцошките забави на ФЕИТ одамна прераснаа во повеќе од обични студентски дружења – тие се вистински симбол на младинска култура и спонтаност. Во нивната енергија се спојуваат различни факултети, генерации и музички вкусови, создавајќи автентичен простор што ги зближува младите преку добар ритам и заеднички моменти. Тука, новите студенти не само што се запознаваат со факултетот, туку и со духот на градот – со звукот, луѓето и слободата што ја носи младоста.
Овие четири бендови настапија на главниот стејџ, а на Т стејџот настапија: DDS, Nastasyakish и Ermilova
