Ручекот е важен како и секој друг оброк. Правилна исхрана и изботрот на хранливи материи за време на ручекот помага во одржување на енергијата преку денот и спречува прејадување и нездрави желби за грицки подоцна.
Кога станува збор за времето за ручек, најважен фактор е личната рутина и распоред.
„Идеалното време зависи од потребите на поединецот и неговиот циклус на спиење и будење“, вели стручњакињата Лена Баковиќ за Real Simple.
Таа дополнително објаснува дека „ако некој се буди во седум часот наутро и јаде хранлив појадок во осум часот, веројатно ќе осети глад околу четири до пет часа подоцна, помеѓу 12 и 13 часот.“
Во идеален случај, тој ручек треба да вклучува различни групи на намирници за да се постигне баланс на макро и микро нутриенти.
„Секогаш сакам да ја наполнам половината од чинијата со зеленчук, една четвртина од чинијата со посни протеини, како што се риба, живина или леблебија, а останатата четвртина со комплексни јаглехидрати, како што се квиноа, кафеав ориз или слатки компири“, изјави таа.
Овие коминации на здрава храна не само што обезбедуваат потребни хранливи материи за организмот, туку и промовираат стабилни и конзистентни нивоа на енергија за успешно справување со остатокот од денот.
Меѓутоа, ако ручаме премногу рано или премногу доцна, можеби нема да ги внесеме сите потенцијални здравствени придобивки поврзани со овој оброк, особено во однос на нивото на енергија и менталната концентрација.
„Рано ручање (брзо по појадокот) може да доведе до зголемена глад подоцна во текот на денот. Тоа може да доведе до консумирање на помалку здрави грицки“, наведува Баковиќ.
Од друга страна, доцниот ручек, поблиску до вечерта, може да доведе до тоа некои луѓе да го прескокнат вечерата, што може да резултира со глад пред спиење, што пак може да поттикне грицкање солена и/или слатка храна со ниска нутритивна вредност.
