Бројот на загинати од последиците на циклонот Шидо, кој го погоди францускиот остров Maјот во Индискиот океан, би можел да достигне неколку стотици, предупреди локален функционер. Циклонските ветрови, кои достигнаа брзина од 225 км/ч, потполно ги срамнија со земја целите заедници, пишува BBC.
Според последните податоци, официјалниот број на загинати изнесува 11, но градоначалникот на островот Франсоа-Жавиер Биевил изјави за локалните медиуми дека „стотици луѓе сигурно се мртви“. Тој додаде дека е можно да „загинале и неколку илјадници луѓе“.
Француското министерство за внатрешни работи соопшти дека „ќе биде тешко да се даде точен број на жртви“, особено во оваа фаза. „Тоа ќе биде комплицирано бидејќи Maјот е муслиманска земја во која мртвите се погребуваат во рок од 24 часа“, изјави претходно функционер на француското министерство за внатрешни работи.
На островот живеат 320.000 жители, меѓу кои повеќе од 100.000 мигранти без документи, додаде министерството. Сместен на скоро 8000 км од Париз и четири дена патување преку море, Maјот со години се бори со насилство на банди и социјални немири. Околу 77 проценти од луѓето во Maјот живеат на граница на сиромаштија.
Францускиот претседател Емануел Макрон порача дека Франција „ќе биде со народот на Maјот“ и дека испратила 250 спасувачи на островот. Министерот за внатрешни работи Бруно Ретајло изјави дека „сите импровизирани домови се потполно уништени“ и изрази страв од „тешки загуби“.
Локалните жители сведочат за „апокалиптични сцени“.
Во саботата локален медиум извести за 11 загинати и 246 повредени, според податоци од болницата, додека AFP извести за поголем број на жртви – најмалку 14 – повикувајќи се на безбедносни извори. Maјот, сместен северозападно од Мадагаскар, е архипелаг кој се состои од главниот остров Гранд-Тер и неколку помали. Повеќето од околу 300.000 жители живеат во импровизирани населби со кровови од лим, а десетици илјади луѓе останале без своите домови.
Тековно се без електрична енергија, вода и интернетски врски. Владата во Париз испрати воен транспортен авион со потребни стоки и итни работници. Аеродромот Памандзи претрпел „голема штета, особено на контролната кула“, објави на платформата X в.д. министерот за транспорт Франсоа Дуровре.
„Аеродромскиот сообраќај ќе се одвива во почетокот со воени авиони, додека бродовите се на пат да обезбедат снабдување“, додаде тој.
Дури и пред циклонот да ја достигне својата полна сила вчера наутро, биле пријавени исечени дрва, одвеани кровови и срушени електрични водови. Раководителот на синдикатот на пожарникарите на Мајот, Абдул Карим Ахмед Алаоуи, изјавил за каналот BFM во саботата наутро дека „и итните служби се во карантин“.
„Нема мобилна телефонска услуга и не можеме да стигнеме до луѓето на островот. Дури ни зградите изградени според антисидни стандарди не ги издржале“, изјавил тој. Центарот за командување на итни служби бил евакуиран и сега работи со ограничени капацитети.
Министерот за внатрешни работи Ретајло објави на X: „Пружам целосна поддршка на народот на Maјот. Државните и локалните итни служби се потполно мобилизирани. На терен веќе се испратени 110 членови на цивилната заштита и пожарникари, а утре ќе пристигнат дополнителни 140.“
Францускиот премиер Франсоа Бајру, кој ја презеде функцијата во петокот, изјави дека циклонот бил со „извонредна сила“ и дека се информира за ситуацијата „од час во час“. Во Париз беше свикан итен состанок со министрите.
Најлошата бура од 1934 година
Maјот првично бил ставен по највисоко ниво на предупредување што вклучувало „строг карантин за целото население, вклучувајќи ги и итните служби“. Меѓутоа, предупредувањето било намалено на црвено за да се овозможи на итните служби да ги напуштат своите бази.
Ретајло изјави дека островот не доживеал толку силно невреме од 1934 година. Откако го погоди Maјот, циклонот се интензивирал за време на ноќта преминувајќи преку Мозамбичкиот канал.
Приморскиот град Пемба во Мозамбик бил изложен на силни дождови и ветрови кои дувале до 185 км/ч. Видеа на социјалните мрежи прикажуваат поплавени делови од градот, исечени дрва и оштетени домови. Циклонот сега се движи кон внатрешноста, со силни дождови во соседната провинција Нампула. Очекува се ослабени ветрови, но и обилни дождови и поплави во јужен Малави, а подоцна и во Зимбабве.
