Sвездата на серијата „The Office“, Актерот Џон Красински, магазинот People го прогласи за најсекси маж во 2024 година. По добивањето на титулата актерот изјави:
„Всушност, ми се стемни. Не мислев на ништо друго, освен дека некој ми се потсмева. Обично не се будам со помислата, дека ова е денот кога ќе ме прашаат да бидам Најсекси маж на светот?. Ова е денот кога Вие го направивте тоа“, рече Красински.
Красински е најпознат по улогата на Џим Халперт во серијата „The Office“, како и по филмот „Quiet Place“, но, и многу други, и со години е меѓу најпознатите актери. Како што вели актерот, тој првенствено се гледа како сопруг и татко и слободното време го поминува уживајќи со семејството. Красински моментално живее во Њујорк со сопругата Емили Блант со двете ќерки Хејзел и Вајолет. Неговата сопруга, вели тој, била „многу возбудена“ кога слушнала дека Џон е најсексапилниот маж за оваа година.
Неговата сопруга, Блант, исто така се пошегува, дека ќе му ја претвори насловната страница, во тапети и дека со неа ќе ја обложи целата куќа. За време на интервјуто Красински меѓу другото рече дека многу го цени животот што го изградил со својата сопруга.
„Убаво е кога си во брак со некого со кој постојано учиш, се менуваш и растеш. Многу сум среќен што поминувам низ тоа со неа“, рече тој.
Актерот откри и дали неговата нова титула ќе промени нешто во неговиот живот.
„Мислам дека поради неа ќе морам да работам повеќе домашни работи. Откако се ова ќе помине, таа ќе ми каже: „Во ред, тоа значи дека треба да ја заработиш и дома“, истакна Красински.
