Претседателството на Мадагаскар објави на својата Фејсбук страница дека Раджоелина издал декрет за моментално распуштање на Народното собрание. Во говор објавен на интернет во понеделникот, тој кажа дека се наоѓа на „непозната локација поради закани по својот живот“ поради повеќенеделните крвави протести за корупција и неспособноста на неговата влада да го подобри квалитетот на животот, пренесува Њујорк Тајмс.
И покрај сè почестите повици за оставка од јавноста, но и од делови на безбедносните сили, Раджоелина инсистираше дека ќе остане на власт за да ја „спаси“ оваа сиромашна островска нација во јужна Африка.
Кога вчера наутро најави дека подоцна истиот ден ќе се обрати нацијата, илјадници луѓе се собраа на прославен митинг во главниот град Антананариво во очекување дека претседателот ќе поднесе оставка.
Војните лидери кои се дистанцираа од претседателот се воздржани и не сакаат да ја преземат власта со сила, за да избегнат впечаток на државен удар.
Таквиот потег би предизвикал осуда од меѓународната заедница, а Мадагаскар, кој во голема мера зависи од странска помош, не би можел да поднесе таква изолација.
Не е јасно кои ќе бидат следните чекори на одметнатите безбедносни сили.
Говорот на Раджоелина во понеделникот беше одложен повеќе часови, бидејќи, според објавата на официјалната Фејсбук страница на претседателството, делови од дисидентските војни сили се обиделе да ја превземат државната телевизија, која требало да го пренесува неговото обраќање.
За време на денот, илјадници луѓе се собраа на Плоштадот 13 мај, главното место на протестите пред Градската куќа, каде продавачи нудеа овошје, печено месо и сладолед.
Толпата мавташе со знамиња на Мадагаскар и пееше песни, вклучувајќи и една која со псувки го повикува Раджоелина да даде оставка. Покрај бината висеше голем транспарент со лобања и прекрстени коски во аниме стил, симбол на протестите на Генерација З ширум светот.
France 24 пишува дека по кратко престојување на француското острово Рејунион, Раджоелина според сите извештаи стигнал во Дубаи во понеделникот наутро. Овој портал се повикува на Радио Франс Интернасионал (RFI) и пишува дека претседателот на Мадагаскар ја напуштил земјата во недела навечер, откако делови од армијата му се приклучиле на демонстрантите кои веќе недели протестираат.
Допишничката на France 24 за Мадагаскар, Гаел Боргија, го опиша неговото бегство.
Раджоелина „со хеликоптер ја напуштил претседателската палата и отпатувал до островот Сент Мари на истокот на земјата, каде го чекал француски воен авион“, изјави Боргија. Таа се повикува на информации од Madagascar Aviation, Фејсбук група за љубители на авијација кои ги следат летовите.
„Трансферот траел неколку минути. Благодарение на француската армија успеал да стигне до островот Рејунион. Таму го чекал друг авион. Приватен авион на германската компанија Вистаџет го однел претседателот до Дубаи, каде стигнал во понеделник наутро“, прецизираше таа.
Подоцна истиот ден, во обраќање до нацијата од непозната локација, Раджоелина рече дека бил принуден да најде безбедно место за да го заштити својот живот.
Говорејќи за сè подлабоката политичка криза во својата земја, тој ги повика демонстрантите да го почитуваат уставот. „Постоји само еден начин да се решат овие проблеми, а тоа е почитувањето на важечкиот устав во земјата“, рече Раджоелина.
