Кинеската Нова година, позната и како Пролетниот фестивал, се заснова на традиционалниот лунарен календар и затоа се одржува на различен датум секоја година, на крајот на јануари или на почетокот на февруари.
Се слави и во други азиски земји како Виетнам, Сингапур, Јужна Кореја, Малезија, Тајван и Индонезија.
Chinese Lunar New Year celebrations with jellyfish fireworkspic.twitter.com/6D27S6Y2Ga
— Massimo (@Rainmaker1973) January 29, 2025
За време на празникот, кој трае неколку дена, повеќето продавници и канцеларии се затворени, а стотици милиони жители патуваат низ Кина за да прослават во своите родни места. Кинеското Министерство за транспорт очекува околу 510 милиони патници со железница и 90 милиони со авион оваа година.
На многу места се слави со огномет, а во поголемите со дронови. Кинезите ги следат прославите и дома, на телевизија, а ова важат за најгледани програми во светот.
Last midnight, Chongqing did a drone show to welcome the Chinese New Year. pic.twitter.com/siroZFn4FY
— Li Zexin (@XH_Lee23) January 29, 2025
Кина излегува од Годината на змејот и влегува во Годината на змијата, која во својата традиција претставува мудрост, интуиција и приспособливост, пишува агенцијата dpa.
Симболот на змејот е еден од најпопуларните меѓу Кинезите, па многу родители имале цел нивните деца да се родат во тој знак. Во Годината на змијата често се забележуваат помалку раѓања, пишува dpa.
