Конклава или изборот на новиот папа повеќе не е само религиозен настан што ги засега само католичките верници. Денес, тоа е глобален настан кој, покрај повеќе од 1,4 милијарди католички верници во светот, обединува верата, геополитиката, финансите, и милиони дигитални интеракции. За време на изборот, цените на хотелските соби и AirBnb сместувањето растат од 100 до 300 проценти, поради големиот број очекувани посетители.
Конклава: Економска сила
Т.н. “бизнис конклава” вклучува телевизии, дигитални платформи, хотели и ресторани. Ватикан не продава билети ниту права за емитување, но вредноста на конклавата значително ја надминува и најпознатиот американски спортски настан, Супербоул. Рекламите што ги емитуваат телевизиите за време на изборот на папата можат да чини и по неколку десетици илјади евра за еден минутен оглас.
Гледаност и медиумска покриеност
Кога беше избран папа Франциско на 13 март 2013 година, телевизискиот пренос го следеа милијарда луѓе, а само во Италија имаше 29 милиони гледачи. Тогаш на Твитер беа регистрирани 132.000 твитови во минута и повеќе од седум милиони пораки во кои се спомнува новиот папа само во еден ден, според францускиот дневник Монде.
Профилот @Pontefix (кој не беше официјален папски профил на Твитер) го посетија 10 милиони луѓе во следните шест месеци. Осум од десет трендови на Твитер беа поврзани со конклавите, пишува РТС.
Голем интерес и профит од туризмот
Конклавата има и голем ефект на туризмот. Кога беше избран папа Франциско, помеѓу март и декември 2013 година, 6,6 милиони луѓе учествуваа во настаните поврзани со новиот папа во Ватикан, што е пораст од 180 проценти во однос на 2012 година. Рим регистрирал зголемување од 7% на бројот на туристи, од кои 66% биле од Аргентина. Ова донело големи приходи за хотелите и рестораните.
И покрај тоа што се одржува без спонзори и продажба на билети, конклавата генерира приходи слични на најголемите спортски настани. Но, Habemus Papam! (Имаме папа!) има уште поголем ефект, обединувајќи верување, политика и општество. Се работи за бесплатен настан, но со вредност од милиони евра во индиректна заработка и огромна медиумска покриеност.
Профити од кладилници
Не е невообичаено што мал број луѓе остваруваат големи профити од изборот на нов папа. На платформата за кладење Polymarket, неколку корисници заработиле повеќе од 50.000 долари од кладење на изборот на Роберта Франсиса Превоа. Користејќи се со блокчејн технологии, тие инвестирале и заработиле невообичаени суми, како на пример корисникот “JustPunched”, кој вложил 1.059,52 долари и заработил 63.650,65 долари, што претставува поврат од преку 6.000%.
На слична платформа, Калши, еден корисник освоил 52.641 долар со вложување од само 526 долари. Изборот на нов папа не е само религиозен настан, туку и глобален економски и медиумски феномен кој има влијание врз многу индустрии и пазарни сегменти. Иако Ватикан не продава билети ниту организира спонзорирани настани, вредноста на конклавата се мери во милиони евра и огромни медиумски ефекти.
Извор: Forbes
