На местото каде беше Грета Тунберг беа истакнати транспаренти со пораки: „Стоиме против геноцидот во Газа“, „Солидарност со народот на Палестина“ и „Со жртвите, не со злосторниците“.
Грета неодамна беше депортирана од Израел, откако се обиде да достави хуманитарна помош во Газа. Таа тогаш порача дека еколошката борба е нераскинливо поврзана со борбата против неправдата, авторитаризмот и „смртоносниот фашизам“.
Посетата на Сараево е дел од нејзината балканска турнеја, во рамки на која веќе престојуваше во Србија, Македонија, Косово и Албанија. По Босна и Херцеговина, Тунберг ќе продолжи кон Хрватска.
