Делови од Големиот Корален Гребен во Австралија доживеале најголемо годишно опаѓање на покриеноста со корали откако се водат податоци, предупредува нов извештај на Австралискиот институт за морски науки (AIMS).
Северните и јужните делови на гребенот биле погодени од најшироко распространето и најтешко избелување на коралите досега, предизвикано од термички стрес поради климатските промени.
Избелувањето ги турка коралите кон точка од која нема враќање
Избелувањето се случува кога морската температура е предолго покачена – само 1°C над прагот на толеранција може да биде фатално ако трае два месеца, а 2°C над – за само еден месец.
Најпогодени се коралите од родот Acropora – брзо растат, но се и најосетливи. Зголемените температури, тропските циклони и морските ѕвезди „трнова круна“ дополнително ја влошиле состојбата.
Австралија се бори против морските ѕвезди
Преку владини програми, веќе се уништени над 50.000 примероци на овие предатори со инјекции оцетна киселина или жолчка од говеда. Во 2025 година, нема нови населби на централниот дел на гребенот, велат од AIMS.
Научниците и активистите предупредуваат дека гребенот се приближува до неповратна точка. Без конкретна климатска акција, Голениот Корален Гребен – светско наследство повеќе од 40 години – може да ја загуби својата биолошка вредност.
