Министерството за образование отвори административна истрага за да ги расветли сите околности, додека синдикатите и организациите за човекови права повикуваат на итна и поголема заштита на наставниот кадар.
Хомофобични графити и закани, почнувајќи од декември 2023 година, ја следеле Гранжеан, која поднела неколку пријави. Наместо конкретна заштита, институциите ѝ понудиле трансфер, што таа го одбила. Според блиските, се чувствувала оставена и игнорирана од системот.
„Нејзината смрт на првиот училишен ден е силна порака – таа ја држеше институцијата одговорна“, изјави наставникот и писател Кристоф Тардије.
Синдикатите предупредуваат на сериозен недостиг од психолошка и институционална поддршка за наставниците. Според податоци, во Министерството има само еден лекар по трудова медицина на 16.000 вработени, а речиси и да нема психолози.
ЛГБТИК+ организациите, пак, алармираат дека случајот ја покажува опасната празнина во заштитата на вработените, иако заштитата за учениците е поразвиена. „Само затоа што постојат закони, не значи дека институциите навистина ги штитат луѓето“, изјави Јулија Торле од SOS Homophobie.
Извор: Euronews
