Добитник на наградата е филмот „DJ Ahmet“ на режисерот Ѓорѓи М. Унковски, копродукција на Северна Македонија, Чешка, Србија и Хрватска. Филмот на духовит и трогателен начин ја раскажува приказната за млади луѓе кои ги оспоруваат своите заедници и традиции, со впечатливи изведби на младите актери и живописна кинематографија.
Признанието, вредно 7.500 евра, ќе се доделува секоја година до 2027 година и е наменето за дела што ја истакнуваат улогата и перспективата на младите во однос на актуелните теми како демократија, човекови права, климатски промени, миграција и дигитална транзиција.
„Оваа награда е силен поттик за талентираните автори чии гласови мора да се слушнат и сигурно ќе одекнат надвор од регионот,“ изјави Бојана Урумова, раководителка на Канцеларијата на Советот на Европа во Сараево.
Во рамките на фестивалот беа доделени и други признанија на Советот на Европа – Eurimages Co-Production Development Award и Series Co-Production Development Award, кои поддржуваат нови филмски и телевизиски проекти и ја зајакнуваат прекуграничната соработка во југоисточна Европа.
Извор: Coe.int
