Годинашното издание на фестивалот е тематски фокусирано на македонската алтернативна музика, на која ѝ е посветен целиот втор ден од програмата – преку панел-дискусии, видеоарт, концерти и интерактивни сесии со истакнати уметници и нови музички гласови од домашната сцена.
Освен музичкиот фокус, фестивалот останува верен на својата книжевна основа. Во текот на трите дена ќе се одржат шест книжевни разговори, на кои ќе се претстават нови изданија на домашни автори, во издание на „Бегемот“ и „Илика“. Фестивалот ќе понуди и поетско-музички перформанси, фото-изложба, DJ сетови, како и продажен штанд на Re:start со винили и музички материјали.
Програма во фокус:
📍 12 септември
- 19:00 – Разговор за „Опашка од конец“ од Оливера Ќорвезироска
- 20:00 – Разговор за „Потклек“ од Љупчо Петрески
- 21:00 – Разговор за „небо трето“ од Ѓоко Здравески, со музичка придружба
- 22:00 – DJ сет MamaMixa
📍 13 септември – Ден посветен на алтернативната музика
- 19:00 – Панел-дискусија: Македонската алтернативна музика низ годините
- 20:00 – Видеоарт омнибус: The Hip – Reality Overdrive
- 21:00 – Соло концерт на Мартин Џорлев
- 21:30 – Џем-сесија на колективот Гола Планина
- 22:30 – Концерт во живо на Mallard
(Во текот на целиот ден: продажба на плочи од Re:start)
📍 14 септември
- 19:00 – Разговор за „Антисвет“ од Ана Тодоровска
- 20:00 – Разговор за „Микроскоп, телескоп, стетоскоп“ од Васко Марковски
- 21:00 – Разговор за „Збирно место“ од Тони Димков
Фестивалот се одржува со поддршка од Програмата за култура на Град Скопје, и претставува отворена платформа за културна размена, уметничка слобода и нови соработки.
