Најголемата конклава во историјата на Католичката црква продолжува денес, кога може да се одржат четири круга на гласање, со оглед на тоа што вчера, како што и се очекуваше, не беше избран нов папа по едно гласање.
Папата Франциско, родум од Аргентина, кој почина во април, беше избран на крајот од вториот ден, по пет круга на гласање. Осум години порано, исто така беа потребни два дена за Германецот Бенедикт XVI да биде избран за папа.
Кардиналите вчера започнаа со избор на нов лидер за 1,4 милијарди католици во светот. Навечер од специјално поставениот оџак, видлив од Плоштадот Свети Петар во Ватикан, се издигна црн чад, што сигнализира дека нов папа не е избран.
