Британскиот стартап Real Ice тестира револуционерна технологија на Арктикот за повторно замрзнување на мразот преку испумпување морска вода на неговата површина. Со ова, се создаваат нови слоеви мраз и се зголемува дебелината на постојниот.
Првите тестови спроведени во заливот Кембриџ, Канада, покажаа зголемување на дебелината на мразот за 50 сантиметри на површина од 4.100 квадратни метри, според Андреа Чеколини, коосновач на Real Ice.
Компанијата користи електрични пумпи за исфрлање морска вода на површината, каде што таа замрзнува. Покрај тоа, се отстранува снегот од површината, со што мразот може дополнително да се зацврсти. Следниот чекор е автоматизација со дронови на водород, за потенцијално покривање на површина од милион квадратни километри.
Опасност или решение?
Иако технологијата ветува привремена заштита од топењето на мразот, научниците предупредуваат на можни еколошки ризици и потенцијал да се сврти вниманието од главните причини за климатските промени.
Арктичкиот мраз, кој од 1980-тите е намален за 95%, игра клучна улога во регулирањето на глобалните температури. Според научниците, без акција, лето без мраз би можело да дојде уште во 2030-тите години.
Дали оваа иновација ќе биде спас или нов ризик за планетата?
