Antenna Group, водечката меѓународна организација за медиуми, содржини и забава, го назначи Хенинг Тевес за главен извршен директор на Групацијата, од 1 јануари 2025 година.
Хенинг носи увид и познавање во бизнисот со своето значително искуство во телевизијата и новите дигитални платформи, како и со претходните повеќе извршни позиции во медиумската и забавната индустрија. Пред да се приклучи на „Antenna“, тој водеше неколку компании и оддели на „RTL“ Групацијата.
Како извршен директор на Групацијата, Тевес ќе го надгледува широкото постоечко портфолио на „Antenna“, кое вклучува бесплатна и платена телевизија, стриминг, вести, кина, настани во живо, образование, содржина, продукција, издаваштво, дигитални медиуми, е-трговија, радио и музика.
„Antenna Group“ со задоволство го пречекува Хенинг и неговото вредно знаење за понатамошно унапредување на своето работење. Како резултат на успешното 36-годишно патување во секторите за технологија, медиуми и телеком, „Antenna Group“ денеска поседува и управува со 32 канали во Европа, Северна Америка и Австралија и директно допира до 140 милиони луѓе.
За понатамошно подобрување на присуството на „Antenna“, Хенинг Тевес ќе соработува со Советодавниот одбор од високо искусни директори, вклучувајќи ги:
- Џим Гианопулос – поранешен претседател и извршен директор на „20th Century Fox“ и „Paramount Pictures“
- Ханс Холгер Албрехт – моментно претседател на Управниот одбор на „Superbet“, поранешен извршен директор и член на одборот на директори на „Deezer“ и поранешен претседател и извршен директор на „Millicom“
- Марк ДеБевуас – актуелен извршен директор на „Brightcove“, а поранешен извршен директор на „CBS Interactive“ (сега „Paramount Streaming“)
- Мајк Ланг – актуелен претседател на „Lang Media Group“, поранешен извршен директор на „Pixel United“ и медиумски извршен директор во „Fox“, „Disney“, „Discovery“ и „Universal Music Group“
- Патрик Стил – поранешен извршен директор на „Politico“
- Атан Стефанопулос – поранешен главен дигитал директор на „CNN“
- Дарен Чајлдс – поранешен извршен директор на „Premiership Rugby“ и извршен директор на „UKTV“
Генерално, Antenna Group го следи своето патување за глобален развој со цел да ги информира и забавува луѓето на одговорен, префинет и избалансиран начин. Меѓународното искуство на членовите на Советодавниот одбор во комбинација со експертизата на Хенинг Тевес во медиумската и забавната индустрија ќе биде драгоцено за понатамошно исполнување на оваа мисија.
