Десетици илјади луѓе денес танцуваа на техно ритми низ Берлин за да го прослават денот на Парадата на гордоста, една од најголемите во Европа.
Парадата се одржува како дел од „Денот на улицата Кристофер“ за да се одбележат немирите во Њујорк од 1969 година – првото големо ЛГБТ+ востание против прогонот.
Поворката на денешната парада помина покрај познатата Бранденбуршка порта и низ квартот Нолендорфплац, домот на геј културата во Берлин, и покрај споменикот на квир луѓето кои биле прогонувани и убиени во нацистичка Германија.
Денот на улицата Кристофер се одржа за прв пат на 30 јуни 1979 година во тогашниот Западен Берлин.
Оттогаш на овој настан присуствуваат илјадници луѓе од различни држави и испраќаат порака за толеранција, инклузија и почит на различностите.
