Царинските службеници во Германија објавија фотографии во понеделник од заплена на околу 1.500 млади тарантули најдени во пластични контејнери, скриени во кутии со чоколадни спонџ торти испратени до аеродром во западниот дел на земјата , пренесубва Euronews.
Тарантулите биле пронајдени пред околу три недели, но царината ги објавила фотографиите дури во понеделник.
Пратката била откриена на аеродромот Келн-Бон во пакет што пристигнал од Виетнам, откако царинските службеници биле предупредени од “забележлив мирис” кој не личел на очекуваниот мирис од седум килограми слатки, рече портпаролот на царината во Келн, Јенс Ахланд.
„Моите колеги на аеродромот редовно се изненадуваат од содржината на забранети пакети од целиот свет, но тоа што пронајдоа околу 1.500 мали пластични контејнери со млади тарантули во овој пакет ги остави дури и најискусните без зборови,“ изјави Ахланд.
Ахланд ја оцени заплената како „необична“, но и изрази жал поради тоа што „некои луѓе прават вакви работи со животните само за профит.“
Многу од осумкраките суштества не го преживеале патувањето, што е можеби прекршување на германските закони за заштита на животните, а оние што преживеале биле предадени на грижа на стручњак, соопшти царината.
Ахланд додаде дека се проценува вредноста на пратката.
Криминална постапка е покрената против примачот во регионот Заурланд, источно од аеродромот, поради неплатени царини и неправилни царински декларации.
Шверцот на инсекти во Европа за профит не е необична појава. Во мај, двајца тинејџери беа осудени од суд во Кенија откако им беа пронајдени 5.000 мравки во нивниот сместувачки објект. Судот им пресуди или казна од 7.700 долари (6.775 евра) или 12 месеци затвор.
Кенијската служба за заштита на диви животни (KWS) рече дека случајот претставува „промена во трендовите на трговија — од познати големи цицачи кон помалку познати, но еколошки критични видови.“
