Препознатливи се по својот пристап кон жанровска слобода со цел истражување и поврзување на различни култури и градење на отворена клупска заедница. Во рамки на нивната клубска вечер „Accidental Gathering“, досега настапиле имиња како Toma Kami, Bitter Babe и Blood of Aza.
Nyege Nyege (@nyegenyegefest) е уметнички колектив, издавачка куќа и фестивал базиран во Уганда, кој се фокусира на промоција на електронска и андерграунд музика од Источна Африка. Преку фестивалот и широк спектар на активности, уметнички резиденции и две издавачки куќи (Nyege Nyege Tapes и Hakuna Kulala), колективот создава простор за нови и неконвенционални звуци. Зборот „Nyege Nyege“, кој потекнува од луганда јазикот, ја означува неодоливата желба за движење и танц.
Следниот настан овој викенд го организираат во чест на 10 години од постоењето на култниот уметнички и музички фестивал Nyege Nyege од Кампала, Уганда. Настанот ќе се одржи оваа сабота во дворот на Three Kitchen Bar (@threekitchenbar), во соработка со две важни артистки дел од колективот – R3IGN DROPS (@r3igndrops) и HIBOTEP (@hibotep), активни учеснички на фестивалот од неговите почетоци.
HIBOTEP (@hibotep) е артистка со широк спектар на интереси, активна во уметничката и музичка сцена на Кампала, создавајќи промени со своето искрено и храбро творештво. Нејзините сетови се бескомпромисен спој на жанрови – од хип-хоп и хаус, техно, трап и експериментални форми, до речиси секој звук што и се допаѓа со една цел да ве натера да се испотите од танцување.
R3IN DROPS (@r3igndrops) е диџејка, продуцентка и ко-основачка на Afro Femme колективот Dope Gal, позната по својот енергичен афро звук. Нејзините сетови се исполнети со различни жанрови како afro house, afro tech, 3-step и gqom. Како дел од Nyege Nyege и заедничкиот проект MWOYO со HIBOTEP, таа активно ја обликува клубската сцена во регионот. Настапува на различни фестивали и клубови низ Европа и Уганда.
Локалната и регионалната поддршка доаѓа од SAUD (@saud.sutra) од Белград, заедно со Dimish (@dimish_) и NastasyaKish (@nastasyakish) од Baby Beef Crew.
Уживајте во вечер што го поврзува Скопје со Кампала преку заеднички ритам, културна размена и звук што не познава граници.
Come for the love of cunty beats and bass noises!
