Чоколадата која ја направил научникот Ким Мишра и неговиот тим на престижниот Федерален институт за технологија во Цирих ги користи пулпата, сокот, па дури и кората од какаото за правење чоколада.
Новиот начин на подготовка веќе го привлекува вниманието, особено поради неефикасноста во традиционалното производство на чоколада, кога се користи само семето, а остатокот од плодот полн со хранливи состојки се остава да гние на полињата.
Клучот на новата чоколада лежи во нејзиниот сладок сос, кој има овошен вкус, сличен на ананас.
Овој сок, кој содржи 14 отсто шеќер, се дестилира во многу концентриран сируп и се меша со пупата и исушена кожа што дава многу слатко желе.
Кога желето се додава на семките од какао за да се добие чоколада, потполно се елиминира потребата од додавање шеќер.
Ова, според Мишра, е уште еден чекор во развојот и иновациите на швајцарските чоколади. Во 19 век, Рудолф Линт, чие презиме стана синоним за добро чоколадо, случајно го развил клучниот чекор од специфичниот метод за мешање на топлата чоколадна маса – за да се направи униформна и да ја намали киселоста – оставајќи го миксерот за какао да работи преку ноќ. Резултатот е вкусна, слатка чоколада.
Извор: РТС
