Од 15 мај започнаа работилниците за креативно менторство наменети за ученици од основните и средните училишта на Град Скопје и имаат за цел да ја сублимираат креативноста и креативните потенцијали како основа за понатамошен успешен раст и развој на младите.
Низ серија предавања и практична работа ќе се постигне повисоко ниво на креативност и инвентивност кај сите пријавени учесници со кои ќе работат експерти -ментори.
Целта на секоја работилница е да финализира со готов производ, а понатаму следи промоција, презентација, поврзување со можни стопански субјекти. На овој начин учениците ќе имаат можност да се вклучат во целокупниот процес на креирање и создавање т.е од идеја до реализација на идејното решение – производ.
Оваа година младите ќе имаат можност да се запознаат со рециклирање на отпад и пренамена во накит, како и со линорез.
Работилниците ќе траат до 30.05.2025 година.
Средствата за реализација на работилниците се обезбедени од Град Скопје.
