Авион во сопственост на музичарот Винс Нил се судрил со паркиран авион додека се обидувал да слета на аеродромот Скотсдејл во Аризона вчера околу 14:39 часот по локално време, се вели во соопштението.
Според информациите, едно лице загинало. Пејачот на Mötley Crüe не бил во авионот во тоа време, но пилотот починал, се вели во соопштението на бендот на X. Копилотот и двајцата патници, девојката на Винс (43) и нејзината пријателка се хоспитализирани, а нивните повреди се опишани како „без опасни по живот“. Таа се здобила со скршеници по ребрата, но наводно нејзините кученца не претрпеле никакви повреди.
„Првите екипи кои пристигнаа на местото на настанот потврдија дека едно лице е мртво, а четворица се повредени“, изјави капетанот на противпожарната служба, пренесува NBC News.
Адвокатот на Нил рече дека неговиот авион Learjet модел 35A „излетал од пистата и се судрил“ со друг авион од „во моментот непознати причини“.
„Поконкретни детали за судирот не се достапни бидејќи се работи за ситуација која брзо се развива и истрагата е во тек“, се вели во соопштението.
Портпаролката на аеродромот, Кели Кустер, на прес-конференција изјави дека опремата за слетување на авионот откажала кога слетал во Аризона од Остин, Тексас, „што резултирало со несреќа“, пренесува NBC News. Таа рече дека удрил во авион што бил во близина „паркиран на приватен имот“.
