Дефанзивниот фудбалер Романо Флориани Мусолини во новата сезона 2025/2026 ќе настапува за Лацио во Серија А.
Овој талентиран 22-годишен фудбалер ги помина претходните две години на позајмица во клубови од Серија Б. Првпат играше за Пескара во сезоната 2023/24, а минатата сезона се истакна во Јуве Стабија.
По завршувањето на сезоната, второлигашот од Кастеламаре ди Стабија ја активираше опцијата за купување, но Лацио веднаш го искористи правото на предност и реши да го врати Мусолини во своите редови.
Младиот дефанзивец одигра 37 натпревари за Јуве Стаби минатата сезона, постигна еден гол и имаше четири асистенции.
Флоријани Мусолини е роден во 2003 година како трето дете на Мауро Флоријани и политичарката Алесандра Мусолини, внука на италијанскиот фашистички диктатор Бенито Мусолини. Неговиот дедо, Романо Мусолини, бил познат италијански пијанист, негова пратетка е познатата актерка Софија Лорен, но секогаш ќе го следи фактот дека е правнук на Бенито Мусолини.
Италијанските медиуми го нарекоа Мусолини помладиот. Неговото целосно име е Романо Бенито Флоријани Мусолини. Тој има двојно презиме. Ова е направено како исклучок од италијанските обичаи за именување, а италијанските граѓански власти се согласија со тоа при неговото регистрирање, бидејќи двојните презимиња обично не биле дозволени според италијанскиот закон во времето на неговото раѓање.
Лацио и профашизмот
Лацио е еден до двата големи клубови од италијанскиот главен град Рим. Иако за Рома важи правилото дека е градски, народен клуб, за Лацио се врзуваат доста профашистички групи.
Фановите на Лацио важат за една од најпознатите навивачки групи во Италија и Европа, а на трибината има и подгрупи кои ја промовираат фашистичката идеологија.
