Истражувањето се фокусира на 30 најбарани професии во здравство, образование, финансии, ИТ и бизнис, а Швајцарија е прва во речиси сите категории, освен кај лекарите, продажните претставници и физиотерапевтите.
Овој висок стандард на плати се должи на комбинација од неколку фактори: политичка стабилност, силна економија, висок квалитет на образованието и многу ниска стапка на невработеност.
Но, животот во Швајцарија има и висока цена. Една возрасна личност таму месечно троши меѓу 3.200 и 5.350 евра – вклучувајќи кирија, режиски трошоци, храна и превоз. Со други зборови, платите се високи, но се и животните трошоци.
По Швајцарија, на листата на земји со највисоки просечни плати следат: Луксембург, САД, Данска, Исланд, Австралија, Белгија, Велика Британија, Обединетите Арапски Емирати и Германија.
Темата за платите станува сè поактуелна – особено меѓу граѓаните од регионот кои во потрага по подобар живот и услови за работа сè почесто ја разгледуваат можноста за иселување.
